HOUSING UNITS PARA SA MGA BIKTIMA NG BAGYONG YOLANDA SA KALIBO, MATATANGGAP NA NG 400 BENEPISYARYO

Kalibo, Aklan – Nakatakda ngayong araw ang Turn Over and Acceptance Ceremony ng mga housing units para sa mga nabiktima ng bagyong Yolanda.

Pangungunahan ni Kalibo Mayor Emerson Lachica bilang Local Interagency Committee Chairperson ang seremonya na gaganapin sa Brgy. Briones Housing Village.

Ang nasabing proyekto ay pinagtulungan ng LGU Kalibo sa pangunguna ni dating Kalibo Mayor William Lachica sa tulong ng Department of Social Welfare and Development (DSWD) at National Housing Authority (NHA).

Malaking tulong umano ang mga ito sa mga mamamayan na lubos na naapektuhan ng bagyong Yolanda noong 2013 lalo na sa mga nakatira sa mga danger zones.