IBAJAY MAYOR JOEN MIRAFLORES, PINABULAANAN NA NAGPOSITIBO SIYA SA COVID-19

Mariing pinabulaanan ni lbajay Mayor Jose Enrique “Joen” Miraflores ang kumakalat na balitang  siya ay nagpositibo sa COVID-19 dahil sa madalas niyang paglilibot sa mga kabayanan ng lalawigan ng Aklan.

Ayon sa alkalde, ang pagpunta niya sa mga kabayanan ay base sa imbitasyon ng kanyang mga tagasuporta lalo na’t siya ay tumatakbong gobernador sa lalawigan.

Aniya, ikinagulat nya ang nasabing kumakalat na balita na pawang walang katotohanan.

Samantala, aminado naman ang alkalde na sa ngayong political season ay normal na may magpapalabas ng fake news para sirain ang personalidad, integridad at kredibilidad ng mga pulitikong katulad niya na tumatakbo sa mataas na posisyon sa lalwigan.

Kaya’t panawagan ng alkalde sa mga Aklanon na huwag maniniwala sa mga fake news na walang basehan lalo na kung ang mga nagpapakalat ay galing sa ibang partido.