Ikaapat na pwesto sa Top-Performing Provinces, Nasungkit ng Aklan

Nakamit ng Lalawigan ng Aklan ang ikaapat na pwesto sa National Top-Performing Provinces, Cities, and Municipalities sa aspeto ng pagpapalakas ng lokal na pananalapi para sa Fiscal Years 2022 at 2023.

Ang karangalang ito ay nakapaloob sa kamakailang memorandum mula sa Bureau of Local Government Finance (BLGF), na nagtampok sa kahusayan ng Aklan sa pamahalaang pinansyal.

Ang Aklan ay nagtagumpay sa aspeto ng Ratio of Local Source Revenues to Total Current Operating Income, isa sa mga pangunahing sukatan ng BLGF.

Ang tagumpay na ito ay sumasalamin sa dedikasyon ng Aklan sa mabuting pamamahala, disiplina sa pananalapi, at responsableng liderato sa ilalim ng pamumuno ni Gobernador Jose Enrique “Joen” M. Miraflores.

Ang Provincial Treasurer’s Office ng Aklan ay lubos ang kagalakan sa karangalan sa pagkilalang ito, itinuturing itong patunay ng kanilang pagsusumikap na mapabuti ang lokal na pananalapi.

Sa pamamagitan ng pagkilalang ito, nailagay ang Aklan sa hanay ng mga nangungunang lalawigan sa Pilipinas, na nagpapakita ng kanilang epektibong estratehiya at pamamahala sa pananalapi.

Ang tagumpay na ito ay hindi lamang simbolo ng kanilang pinansyal na kasanayan ngunit gayundin ng pagkakaisa at sama-samang pagsisikap ng mga namumuno at nasasakupan. Patuloy na magiging inspirasyon ang Aklan para sa iba pang lokal na pamahalaan upang isulong ang progreso at kaunlaran.