Ilang pampublikong lugar sa Roxas City kakabitan ng libreng WiFi

Magkakabit ng libreng WiFi ang isang telecommunication company sa ilang mga pampublikong lugar sa Roxas City, Capiz.

Nitong Martes, isang resolusyon ang ipinasa ng Sangguniang Panglungsod para pahintulutan si Mayor Ronnie Dadivas na pumasok sa Memorandum of Agreement kasama ang Smart Communication kaugnay ng nabanggit na proyekto.

Ang mga lugar na kakabitan ng WiFi ay Roxas City Plaza, People’s Park, Civic Center, TATC at Transport Terminal.

Matapos mabigyan ng otoridad ang alkalde, agad itong pumirma sa MOA kasama sina Manny Pangilinan at Justine Elizabeth Miralles, PLDT’s Relationship Manager.