Aklan News
Ilegal na nagpapataya ng EZ 2 bookies, arestado
Sasampahan ngayong umaga ng kasong paglabag sa PD 1602 o Illegal Gambling Laws ang isang lalaking naaresto dahil umano sa ilegal nitong pagpapataya ng EZ 2 kahapon sa San Ramon, Malinao.
Nakilala ang suspek na si Joel Masagnay, 48 anyos ng Agbalogo, Makato, na nahuli sa akto umano ng mga pulis sa nasabing aktibidad.
Sa joint operation ng Malinao PNP at Aklan PNP Intelligence Unit, narekober mula sa suspek ang P50.00 na marked money, P950.00 na proceeds money o kita, mga kotejo at ballpen.
Pansamantala siyang ikinustodiya ng Malinao PNP matapos maaresto.
Tumanggi naman itong magbigay ng pahayag nang subukang kausapin ng Radyo Todo, kaugnay sa kanyang pagkakaaresto.
