Illegal na nagpapataya ng STL bookies, arestado

Inaresto ng mga kapulisan ang 30-anyos na babae nang mahuli sa aktong nagpapataya ng STL bookies sa Barangay Laguinbanwa West, Numancia.

Kinilala ng Numancia PNP ang naaresto na si Precious Joy Fajardo at residente ng Barangay Aliputos sa nasabing bayan.

Ayon sa ulat, nakita ng mga operatiba na nagpapataya ng naturang illegal gambling si Fajardo kaya agad dinakip ang suspek.

Nakumpiska ng mga awtoridad mula sa kanya ang mahigit P600 na bet money at iba pang gambling paraphernalias.

Kaugnay nito, sasampahan ngayong araw ng kasong paglabag sa PD 1602 o illegal gambling ang suspek na si Fajardo./SM