Initan sa loob ng sayawan, nauwi sa saksakan; 3 sugatan

Naka-confine ngayon sa isang probadong ospital ang tatlong kalalakihan na nabiktima ng pananaksak sa Brgy. Talon, Altavas, madaling-araw nitong Linggo.

Batay sa report ng Altavas Pnp, kasagsagan umano ng sayawan sa lugar kung saan may mga grupo umano ng kalalakihan na nagkaroon ng initan sa loob ng covered court.

Ngunit nang pauwi na ang mga sangkot ay doon na umano nangyari ang rambol na nauwi pa sa pananaksak.

Tatlo rito ang napuruhan na hanggang ngayon ay naka-confine parin sa ospital.

Samantala, hawak na ngayon ng Altavas Pnp ang itinuturong suspek sa krimen ngunit mariin nitong itinatanggi na may kinalamam siya sa nangyari.

Sa ngayon ay nagpapatuloy pa ang imbestigasyon ng mga otoridad.