Aklan News
Isa patay, isa sugatan matapos maaksidente sa motorsiklo
Isa patay, isa sugatan matapos mangyari ang isang aksidente sa motorsiklo alas 8 kagabi sa Sitio Bang-bang Fulgencio, Balete.
Kinilala ang driver ng motorsiklo na si Leny Rico sa legal na edad ng Calizo, Balete.
Habang kinilala naman ang sakay nito na si Arwin Villas sa legal na edad, kapwa residente ng nasabing lugar.
Ayon sa asawa ni Rico, galing sa Barangay Morales ang mga biktima at pauwi na sana ang mga ito ngunit pagdating sa Sitio Bangbang ay nawalan ito ng kontrol sa minamanehong motor hanggang sa maaksidente ito.
Nagtamo ng sugat sa kanilang katawan ang mga biktima at habang ginagamot sa Provincial Hospital ay binawian ng buhay si Rico habang nagpapagaling pa sa ngayon si Villas.
Patuloy pa sa ngayon ang ginagawang imbestigasyon ng mga kapulisan hinggil sa nasabing insidente.
