Isang sako ng palay, tinangay ng lalaki sa Balete

Arestado ang isang lalaki matapos na mahuling nagnanakaw ng isang sakong palay sa isang bahay sa Sitio Suwaragan, Brgy. Calizo Balete nitong Linggo.

Napag-alaman na 36-anyos na residente it Brgy. Arcanghel, Balete ang naturang suspek.

Sa imbestigasyon ng Balete PNP, naka-monitor umano sa CCTV ang may-ari ng bahay nang makita nito na binuhat at tinangay nalang ng isang lalaki ang isang sakong palay.

Tumawag ng pulis ang may-ari at agad na nahuli ang suspek na nagsabing nagawa niya lang ang magnakaw dahil sa hirap ng buhay.

Kaugnay nito, nakatakda na siyang i-release ng Balete PNP dahil hindi na magsasampa ng kaso ang may-ari.