KALAHATI NG AUGMENTATION FORCE SA ATIFEST 2020, DUMATING NA

Dumating na ang kalahating porsyento ng augmentation force mula sa Police Regional Office (PRO)-6 na magsisilbing security forces sa pagdiriwang ng Kalibo Ati-atihan Festival.

Sa isinagawang pre-deployment briefing kahapon sa Aklan PPO, pinaalalahanan ni SSTG Commander for Peace and Order PLTCOL Noel Polines ang mga kasapi ng augmentation force na narito sila upang siguruhin ang seguridad ng Ati-atihan at hindi para magbakasyon.

Ibinahagi rin niya ang mga dapat at di dapat gawin ng mga personnel kagaya ng pagtulog habang naka duty.

Una nang ibinalita na nasa mahigit 1,700 kapulisan ang itatalaga para sa malaking selebrasyong ito.

Inaasahang darating at makukumpleto ang buong bilang ng security forces sa Enero 15 (Wednesday).