Aklan News
Kalibo PNP, nagpaalala sa pagkalat ng “benta slot” scam
NAGPAALALA ang Kalibo PNP sa pagkalat at pagsali ng ilang mga indibidwal sa isang investment scam na “Benta Slot Machine.”
Ang “benta slot” ay kilala rin sa mga estilong “paluwagan”, “profit sharing,” o di kaya’y “benta sahod” na ang layunin ay mang-akit ng mga investors na mamuhunan at magkaroon ng mataas na tubo sa maikling panahon.
Dagdag pa ng Kalibo PNP, madaling makikila ang investment scam na ito kung ito’y hindi rehistrado, recruitment-based, nangangako ng mataas na kita sa maikling panahon, at walang malinaw na negosyo o hindi transparent na accounting.
Hinihikayat naman ng kapulisan na makipagtulungan sa pinakamalapit na himpilan ng pulisya o sa PNP Anti-Cybercrime Unit sa mga numerong +63 915 589 8506 (Globe) at +63 961 829 8033 (Smart) sa mga kaduda-dudang mga aktibidad.
Matatandaang kahapon, Mayo 15, dumulog sa Kalibo Municipal Police Station ang may higit sa 13 mga indibidwal matapos mabiktima ng “Benta Slot” scam. l Ulat ni Arvin Rompe
