Kalibo Sto. Niño ati-atihan festival 2025, opisyal nang nagbukas

Opisyal nang binuksan sa publiko ang selebrasyon ng Kalibo Sto. Niño Ati-atihan Festival 2025 ngayong araw.

Pinangunahan ito ni Bagong Kalibo Mayor Juris Sucro sa pamamagitan ng pagtaas sa imahe ni Sto. Niño de Kalibo kasabay ng pagsigaw ng tradisyunal na “Viva kay Senior Santo Nino! Viva!”

Ito na ang hudyat ng matunog at masayang selebrasyon ng Ati-atihan Festival.

Kahit bumuhos ang ulan, halos ‘di pa rin mahulugang-karayom ang loob at labas ng Kalibo Pastrana Park sa dami ng mga nakisaya sa pagsisimula ng matunog at makulay na selebrasyon ng Kalibo Sto. Nino Ati-atihan Festival.

Inabangan ng mga nanuod ang mga sikat na artista na nagperform sa opening salvo gaya nila Kapuso Star Tom Rodriguez at Filipina pop-rock singer-songwriter Yeng Constantino.