KALIBRE 38 NA BARIL AT DALAWANG BALA ISINURENDER SA 2ND AKLAN MOBILE FORCE COMPANY

Nabas, Aklan – Isang kalibre 38 na baril at dalawang bala ang isinurender ng isang concerned citizen sa bayan ng Nabas.

Ang nasabing concerned citizen ay taga Barangay Habana Nabas, Aklan.

Samantala, isang concerned citizen rin mula sa Poblacion, Buruanga ang nag surrender ng magnum .357 revolver na may 9 na bala.

Resulta ito sa ginagawang programa ng 2nd Aklan Provincial Mobile Force Company sa pangunguna ni PMaj. Donnel P. Regis  laban sa mga loose firearm sa pamamagitan ng programang Tokhang Kuntra Armas Luthang o (TKAL).

Hindi na kinasuhan ang mga may-ari ng baril sa halip ay nakatanggap pa ito ng 25 kilo na bigas na isa ring initiative project na “Armas Islan Bugas”ng nasabing unit.

Ang mga nasabing armas ay kaagad dinala sa Nabas PNP at Buruanga PNP para idokumento.