Kasamahan ng mga wanted persons na naaresto ng Numancia PNP dahil sa ilegal na sabong, arestado ng Lezo PNP

Arestado alas 9:30 kagabi ng Lezo PNP sa Poblacion, Numancia ang kasama ng mga naarestong wanted persons ng Numancia PNP dahil sa ilegal na sabong.

Sa joint operation ng Lezo PNP, Numancia PNP at Aklan PPO Tracker’s Team, naaresto ang suspek na si Armanie Tabasa, 24 anyos ng Bulwang, Numancia.

Sa report ng ng Numancia PNP, nakumpirmang kasamahan ng mga naarestong suspek si Tabasa na nakatakas noon nang magsagawa ng anti-illegal gambling operation ang Numancia PNP sa Camanci, Norte, Numancia, nitong nakaraang January 23, 2022.

Kasalukuyan namang nasa kustodiya ng Lezo PNP si Tabasa para sa karampatang disposisyon. Inirekomenda din ng korte ang P30,000.00 na piyansa para sa kanyang pansamantalang kalayaan.