KASO NG LALAKING TINAGA NG KAPITBAHAY HABANG UMIIHI, NAUWI SA AREGLO

Kinumpirma ni PSSTG. Jameo Mondia ng Balete PNP na agad nilang naaresto ang suspek na si Russel Agihap matapos nitong tagain ang kanyang kapitbahay sa bayan ng Balete.

Matatandaaang nagtamo ng malaking sugat sa mukha ang biktimang si Marcial Protacio, 49 anyos ng Brgy. Feliciano, Balete matapos tagain ng suspek nitong Sabado ng gabi.

Kwento ng biktima, bigla na lamang siyang tinaga ng suspek na si Russel Agihap habang siya’y umiihi.

Nabatid na nagkaroon ng dating alitan ang magkabilang panig na tinitingnang motibo ng suspek sa paggawa ng krimen.

Samantala, matapos na mag=execute ng affidavit of non-interest to file a case ang biktima ay kaagad namang ini-release ng Balete PNP ang suspek.

Kasalukuyan naman na nagpapagaling sa ospital ang biktima na kailangang sumailalim sa operasyon dahil sa tinamong sugat.