Kotse nabangga ng traysikel, headlight basag

BASAG ang kaliwang headlight ng isang Toyota Avanza matapos itong mabangga ng tricycle sa bahagi ng L.Quimpo St corner Veterans Ave. Kalibo nitong Linggo.

Batay sa imbestigasyon nga Kalibo PNP, papunta sana sa Mabini St. ang nasabing kotse na minamaneho ni Glorioso Macahilas, 68-anyos, residente ng Brgy. Andagaw, Kalibo.

Ngunit ng makarating ito sa may Veterans Ave., aksidenteng nabangga ang kaliwang bahagi nito ng isang tricycle.

Napag-alaman na ang minamaneho ni Mark Sigaton, 24, residente ng Brgy. Estancia, Kalibo ang nasabing traysikel at papunta sana sa XIX Martyrs Shrine ng mangyari ang aksidente.

Dahil dito, nabasag ang kaliwang headlight at nagkaroon ng gasgas ang iba pang bahagi ng Toyota Avanza.

Samantala, dinala naman ang dalawang drayber sa istasyon ng Kalibo PNP para sa karampatang disposisyon.