KOTSE, NAHAGIP NG 10 WHEELER TRUCK

Sira ang kaliwang harapan ng isang kotse matapos masagi ng 10 wheeler truck pasado alas 10:00 kaninang umaga sa Rigador, Ibajay.

Base sa imbestigasyon ng Ibajay PNP, papuntang Caticlan ang truck na minamaneho ni Marvin Bacolod, 35 anyos ng Tawog, Sigma, Capiz nang makasalubong ang nasabing kotse na minamaneho ni Lolita Artiaga, 44 anyos ng Nauring, Pandan, Antique ng aksidente umanong nasagi ng likurang bahagi ng truck ang kaliwang harapan ng kotse, rason na napinsala ito.

Samantala, nagkaareglo naman sa Ibajay PNP Station ang dalawa, habang nabatid na walang iniwang anumang pinsala sa mga driver ang insidente.