Kristo ng sabungan, tiklo sa drug buy-bust ops sa bayan ng Batan

Arestado ang isang kristo ng sabungan na tulak ng droga sa ikinasang drug buy-bust operation ng mga awtoridad nitong Linggo sa Barangay Mandong, Batan.

Kinilala ang suspetsado na si Joniel Bautista, 42-anyos at residente ng barangay Odiong, Altavas.

Nakuha kay Bautista ang dalawang sachet ng suspected shabu at P1,500 na buy-bust money.

Mariin namang itinanggi ng suspek na nagbebenta siya ng shabu.

Aniya, gumagamit lang siya nito ngunit matagal ng siyang tumigil.

Nasa sabungan siya umano para samahan ang kanyang amo ngunit nabigla na lamang siya ng harangin at hulihin ng mga kapulisan.

Ang nasabing operasyon ay isinagawa sa pamamagitan ng pinagsanib na pwersa ng Batan PNP at Provincial Drug Enforcement Unit (PDEU) Aklan./SJM