L300 van nasagi ng pampasadang tricycle, driver tumakas

Tumakas ang isang tricycle driver matapos nitong masagi ang nakaparadang L300 van sa may N. Roldan St., Kalibo dakong alas-5:43 ng hapon nitong Huwebes.

Napag-alaman na nakita mismo ng driver ng van na si Ariel Fernandez ng Brgy. New Buswang, Kalibo na nasagi ng isang pampasadang tricycle ang kanyang van na nakaparada sa may N.Roldan.

Hindi pa umano tumigil sa pagpapatakbo ang tricycle driver at bumagal lang sa pagmamaneho nang makalayo pero dahil dito nakuhaan ni Fernandez ng litrato ang plate number nito na R4-2070.

Nagtamo ng mga gasgas sa kaliwang bahagi ang nasabing van bunsod ng pagksagi dito.

Samantala, minabuti ni Fernandez na ipa-record ang nangyari sa Kalibo PNP.