LAKAD NG BFP PERSONNELS SA BORACAY, PA DESPEDIDA KAY BFP DIRECTOR?

Despedida umano para kay outgoing Bureau of Fire and Protection Regional Director ang pagpunta ng 27 mga BFP staff sa Boracay noong isang linggo kasama si Western Visayas patient 144.

Ito ang impormasyong nakarating kay Iloilo City Mayor Jerry Treñas.

Hanggang ngayon ay wala pang pahayag si BFP6 Director SSupt Roderick Aguto pati ang director ng BFP-Iloilo City ukol sa insidente.

Una rito, nabatid na kasama sa mga pumunta sa Boracay ang 26-anyos na babaeng empleyada na dapat naka-quarantine sa BFP6 quarters sa Iloilo City at naghihintay pa ng resulta ng kanyang COVID-19 test.

Isinailalaim siya sa test pagdating nito sa Iloilo nitong Hunyo 5 galing sa Cebu.

Kinumpirma ng Malay LGU na nakapunta siya sa Boracay noong June 12 at June 14 naman lumabas ang resulta ng kanyang test na positibo ito sa virus.

Nakalagay sa sinagutang port manifesto ni WV 144 sa Tabon Port na pupunta siya sa isla para sa isang conference pero ayon kay Malay Mayor Frolibar Bautista, walang nangyaring conference kundi meeting ng mga principal members ng Boracay Inter-Agency Task Force.

VIA| Aksyon Radyo Iloilo