LALAKE NA TUMAGA-PATAY SA KAPATID, KINASUHAN NA

UPDATE-Sinampahan na ng kasong murder nitong hapon ang kuyang tumaga-patay sa mismong kapatid nitong nakaraang Miyerkules ng gabi sa Purok 7 ng Buenafortuna, Nabas.

Nabatid na kaagad inihanda ng Nabas PNP ang kaso matapos maaresto ang suspek kahapon ng umaga sa kanilang bahay, kung saan narekober din ang ginamit umano nitong itak na mahigit 19 pulgada ang haba.

Magugunita sa imbestigasyon ng Nabas PNP na kapwa nasa impluwensiya ng alak ang magkapatid nang umuwi sa kanilang bahay at magtalo na nauwi naman sa pananaksak ng kuya sa nakababatang kapatid na ikinamatay nito.