LALAKI, ARESTADO DAHIL SA ILEGAL NA PAGTATAGO NG DI-LISENSYADONG BARIL AT BALA

Banga – Arestado ang isang lalaki sa Sitio Landingan, Badiangan, Banga dahil umano sa pagtatago nito ng mga di-lisensyadong baril at bala alas 5:50 kaninang hapon.

Kinilala ng Banga PNP ang suspek na si Romel Navarra, 42 anyos ng nasabing lugar.

Sa bisa ng Search Warrant, pinangunahan ng mga taga Aklan PPO Intelligence Unit ang pagpasok sa bahay ng suspek kung saan narekober ang 1 caliber.45 baril, 1 magazine na may 2 bala, 1 sling bag, at 1 hunting rifle (eskopeta).

Pansamantalang ikinustodiya sa Banga PNP Station ang suspek habang inihahanda ang kasong paglabag sa RA 10591 o Comprehensive Firearms and Ammunition Regulation Act na isasampa laban sa kanya.