LALAKI, ARESTADO DAHIL SA ILEGAL NUMBER GAME

Nahaharap sa kasong paglabag sa RA 9287 o Illegal Number Game ang isang lalaki matapos umanong maaktuhan sa ilegal nitong pagpapataya ng EZ 2 sa Joyao-joyao, Numancia.

Sa joint operation ng Numancia PNP at Aklan PPO Provincial Task Force on Anti-Illegal Gambling Operation, naaresto ang suspek na si Domingo Tapado III, 23 anyos ng Calimbajan, Makato.

Kaugnay pa nito, nakumpiska mula kay Tapado ang kabuuang P620.00 na pera, kasama na ang marked money, 1 ballpen at mga assorted papers na ginagamit nito sa kanyang pagpapataya ng EZ 2.

Pansamantala siyang ikinustodoya ng Numancia PNP habang inihahanda ang nasabing kaso laban sa kanya.