Lalaki bali ang paa dahil sa bugbog at palo ng dos-por-dos ng bayaw

Binugbog at pinalo ng dos-por-dos ng kanyang sariling bayaw ang isang 57 anyos na lalaki sa Brgy. Toledo, Nabas.

Batay sa ulat, umakyat sa ikalawang palapag ng bahay ang biktima at humiga pero nang makita ito ng kanyang bayaw ay nagalit ito pinalalayas siya ng bahay.

Nagkainitan ang dalawa hanggang sa binugbog siya ng suspek at pinalo pa ng dos-por-dos sa paa.

Dahil dito, nagtamo ng bali sa paa ang biktima at maraming pasa sa katawan.

Nabatid na galit ang suspek sa biktima dahil doon ito nakatira sa bahay na conjugal property pa ng biktima at ng kapatid nitong asawa ng suspek.