Lalaki, binaril-patay sa kanyang bahay sa Ibajay

PATAY ang isang lalaki matapos barilin ng hindi pa nakikilalang salarin sa kanyang bahay kagabi sa Ibajay.

Kinilala ang biktimang si Melvin Lopez, 32 anyos, residente ng Brgy. Rivera.

Nagpanggap umano ang suspek na bibili sa tindahan ng biktima at binaril ito ng dalawang beses.

Nagtamo ng tama sa tiyan at balikat ang biktima na naging dahilan ng kanyang agarang pagkamatay.

Pinaniniwalaang caliber 45 pistol ang ginamit na armas ng suspek.

Sinasabing may mga nakakita sa nangyaring pamamaril pero hindi nila kilala ang salarin.

Sa ngayon ay inaalam na ng mga pulis ang motibo sa likod ng pamamaril habang nagpapatuloy ang imbestigasyon para matukoy ang suspek.