Lalaki kulong matapos sunugin ang traysikel ng bayaw

Inaresto ng mga kapulisan ang isang lalaki matapos nitong sunugin ang traysikel ng kanyang bayaw sa Brgy. Pook, Kalibo.

Batay sa ulat ng pulisya, nakita ni Jerry Zausa, 52 anyos, residente ng Brgy. Pook, Kalibo na binubuhusan ng gasolina ng kanyang bayaw ang kanyang traysikel kahapon.

Sinubukan nitong pigilan ang suspek pero mabilis nitong sinindihan ang traysikel gamit ang lighter at saka umalis.

Agad naman na naapula ni Zausa ang apoy habang ang suspek na si Nico Porquez Jr, 36 anyos na tubong Pagsanjan, Banga ay inaresto ng mga kapulisan.

Napag-alaman na nasa impluwensya ito ng alak nang mangyari ang insidente.

Posibleng maharap sa kasong arson ang nabanggit na suspek./MAS