LALAKI, NAATRASAN NG PISON, PATAY

Dead on arrival sa ospital ang isang lalaki matapos aksidente umanong maatrasan ng pison truck alas 10:30 kaninang umaga sa bahagi ng Caticlan, Jetty Port, Malay.

Nakilala ang biktimang si Stephen Sajise, 31 anyos ng Habana, Nabas, habang nakilala naman ang driver ng pison na si Joan Segura, lalaki, 32 anyos ng Cabatuan, Iloilo, na driver/mekaniko.

Base sa imbestigasyon ng Caticlan PNP, gina guide umano ng biktima ang driver ng pison para ikonekta at ipa series dito ang linya ng back hoe para umandar.

Subali’t sinasabing sa gitnang likuran ng pison nakapwesto habang sumesenyas ang biktima at sumisigaw ng ‘atras-atras’, subali’t aksidente itong naatrasan ng nasabing pison.

Kagaad namang dinala sa Motag Hospital ang biktima, subali’t hindi na ito umabot ng buhay.

Kasalukuan namang nasa kostodiya ng Caticlan PNP Station ang driver ng pison para sa karampatang disposisyon.