Lalaki nahimatay matapos pagtulungang bugbugin sa Kalibo

Walang malay na isinugod sa ospital ang isang lalaki matapos na pagtulungang bugbugin ng dalawang kalalakihan sa bahagi ng Calachuchi Rd., Brgy. Andagao, Kalibo kagabi.

Kinilala ang biktima na si alyas “Willard”, 40-anyos nga tubong Batan ngunit pansamantalang nakikitira sa kaniyang tiyahin sa Kalibo.

Habang ang dalawa namang suspek ay kinilalang sina alyas “Berto”, 39-anyos at “Mar”, 24-anyos na mga residente rin ng nabanggit na lugar.

Lumalabas sa imbestigasyon ng Kalibo Pnp na nagsimula umano ang gulo nang gisingin at itulak ng biktimang si Willard ang natutulog na si Berto sa loob ng bahay pagkatapos ng kanilang inuman.

Inawat naman agad ito ng tiyahin ng biktima at sinabing, “Kung gasaeangag kamo, pagpaeanaw kamo to.”

Lumabas naman ng bahay ang biktima dala ang kanyang mga gamit pero nang makita nito ulit si Berto ay pinagsusuntok niya ito.

Nakita naman ito ni Marlon kaya tinulungan nito si Berto at binugbog nila ang biktima.

Dahil sa insidente, nahimatay si Willard at hanggang ngayon ay nakaratay parin sa ospital.
Samantala, ikustodiya naman ng Kalibo Pnp ang dalawang suspek.