LALAKI, NATAGPUANG PATAY SA ILOG

Patay na nang matagpuan ang isang lalaki bandang ala 5:30 kaninang umaga sa ilog ng Sitio Lagatic, Poblacion, New Washington.

Nakilala ang lalaki na si Rolando Montano, 67 anyos ng Sitio Dumlog ng nasabing barangay.

Base sa imbestigasyon ng pulis, huling nakitang buhay ang biktima na nagpa-pump o nagbobomba ng tubig mula sa bangka doon mismo sa lugar, subali’t nagulat na lamang ang mga residente nang makita at nalamang wala na itong buhay.

Sinasabing may iniindang high blood ang biktima, na pinaniniwalaang umatake sa kanya kagabi, rason na nahulog ito sa tubig.

Ayon pa sa New Washington PNP, wala namang nakitang foul play sa pagkamatay.

Nakatakdang isalilalim sa post mortem examination ang bangkay ng biktima para matukoy ang pagkamatay nito.