LALAKI, TINAGA SA ULO

Banga – Sugatan ang isang lalaki matapos tagain bandang alas 11:30 kagabi sa Sigcay, Banga.

Nakilala ang biktimang si Rodney Dela Cruz, 39 anyos ng nasabing lugar.

Base sa inisyal na imbestigasyon ng Banga PNP, nakatayo lamang doon sa lamay ang biktima nang maramdaman umano nito na may tumama sa kanyang ulo.

Kaagad umano siyang dinala sa ospital matapos mawalan ng malay at tumumba.

Ayon sa mga nakasaksi, tinaga ang biktima ng isang lalaki, subalit patuloy pang biniberipika ng mga pulis ang pagkakakilanlan ng suspek na taga doon din sa barangay Sigcay.

Patuloy pa ang imbestigasyon sa nasabing insidente.