Lalaki sinaksak, patay sa Dumarao, Capiz; suspek arestado

Patay ang isang 40-anyos na lalaki matapos saksakin sa Brgy. Poblacion Ilawod, Dumarao, Capiz.

Kinilala any nasabing biktima na si Marlon Pasco ng Brgy. Calapawan habang ang suspek ay Jose Ronnie Calanza, 46, ng Brgy. Poblacion Ilawod.

Batay sa paunang imbestigasyon ng Dumarao PNP, nagkaroon umano ng pagtatalo ang biktima at ang suspek na nabatid nasa impluwensiya ng alak.

Sa galit ng suspek ay sinaksak niya ang biktima na natamaan sa katawam. Agad siyang sinugod sa ospital pero dineklarang dead on arrival.

Nasa pangangalaga naman ngayon ng kapulisan ang suspek matapos siyang sumuko dala ang 18 pulgadang itak na ginamit sa krimen.Pinaniniwalaang dating alitan ang motibo sa insidente.