Lalaki, tiklo sa buybust operation sa Ibajay

TIMBOG sa isinagawang drug buy bust operation ng mga operatiba ang isang lalaki sa bayan ng Ibajay nitong Martes.

Kinilala ang suspek na si Cornelo Gladwin Suner, 45-anyos at residente ng Bagacay, Ibajay, Aklan.

Nabilhan ang suspek ng isang sachet ng suspected shabu, kapalit ng P1500 na buy-bust money.

Samantala, nagkakahalaga ng P3500 ang mga iligal na drogang nakumpiska mula sa suspek.

Napag-alaman si Suner ay isang drug surrenderee at muling bumalik sa iligal na aktibidad.

Ang nasabing operasyon ay isinagawa sq pamamagitan ng pinagsanib na pwersa ng PDEU Aklan at Ibajay PNP.

Sa ngayon ay nasa kustodiya na ng mga otoridad si Suner at mahaharap sa kasong paglabag sa RA 9165 o Comprehensive Dangerous Drugs Act of 2002.