Lalaki timbog sa buybust operation

Arestado ang isang lalaki na tulak ng droga sa isinagawang buy-bust operation alas 9:30 kagabi sa Sitio Lugutan, Manocmanoc Boracay.

Kinilala ang suspek na si Arnel Bolor, 25 anyos na tubong Oriental Mindoro at ngayon ay naninirahan sa Sitio Tulubhan, Manocmanoc, Boracay.

Sa isinagawang buy-bust operation nakuha kay Bolor ang dalawang sachet ng shabu kapalit ng P1,200 na buy-bust money.

Nakuha rin sa kanyang posisyon ang karagdagang 3 sachet ng shabu.

Ayon sa suspek, hindi siya nagbebenta ng illegal na droga at gumagamit lamang siya ng halos isang buwan pa lamang dahil sa impluwensya ng barkada..

Ayon naman sa mga kapulisan, mahigit isang buwan na nilang minomonitor ang nasabing suspek na nagtutulak ng ipinagbabawal na gamot.

Ikinasa ang nasabing operasyon ng Malay PNP at mahaharap sa kasong pag labag sa R.A 9165 o ang Comprehensive Dangerous Drugs si Bolor.