Lalaking bumili lang sa tindahan, binaril-patay sa Malinao

Patay ang isang lalaki matapos na barilin sa Brgy. Kinalangay Nuevo, Malinao Huwebes ng gabi.

Kinilala ang biktima na si Darius Zaspa, 38-anyos habang nakilala naman ang suspek na si Ricky Rapiz, pawang residente ng nabanggit na lugar.

Ayon sa pulisya, bumili si Zaspa sa tindahan ng kapatid ng suspek at nang pauwi na ito, binaril ni Rapiz ang biktima na tumama sa kanyang ulo at iba pang bahagi ng katawan.

Kaagad namang isinugod sa opistal ang biktima ngunit idineklarang dead on arrival ng attending physician.

Samantala, tumakas naman ang suspek patungo sa direksiyon ng Brgy. Rosario, Malinao.

Nagpapatuloy pa sa ngayon ang isinasagawang hot pursuit operation ng Malinao PNP laban sa suspek na si Rapiz . |via Kiervy Revesencio