LALAKING NAGBEBENTA UMANO NG SHABU, TIKLO SA BUY BUST OPS

Arestado ang isang lalaki matapos umanong mahulihan ng ilegal na droga sa ikinasang buy bust operation alas 10:30 sa Sitio San Vicente, Tigayon, Kalibo.

Nakilala ang naarestong si Jude Pineda, 31 anyos ng Sitio San Roque, ng nasabing barangay.

Sa nasabing buy bust operation, narekober ng mga operatiba ang 1 sachet ng suspected shabu kapalit ng P7,000.00 na buy bust money, habang 9 na sachet pa umano nito ang narekober nang isagawa ang body search sa kanya , pati na ang kanyang cellphone.

Kasunod nito, kaagad siyang dinala sa Kalibo PNP Station para idokumento, at dinala kinalaunan sa Iloilo Crime Lab para i drug test.

Isasailalim din doon sa laboratory test ang mga narekober na hinihinalang droga.

Nahaharap naman sa kasong pagalabag ss Section 5 at 6 ng RA 9165 o Comprehensive Drugs Act of 2002 ang nasabing suspek, na naaresto sa joint operation ng PDEA, PDEU at Kalibo PNP.