Lalaking naglalakad sa may Archbishop Reyes St. binangga at tinakbuhan ng traysikel

Binangga at tinakbuhan ng isang traysikel ang isang lalaking naglalakad kasama ang kanyang mga kaibigan sa may Archbishop Reyes St. Kalibo.

Kinilala ang biktimang si Joevel Rimon, 23, ng Pagsanghan, Banga.

Batay sa ulat, kasama ng biktima habang naglalakad dakong alas-10:30 kagabi sina Rodel Ortega, Ana Mae Maslog at Sara Sonio.

Mula ang mga ito sa direksyon ng Pastrana Park papuntang Mabini Street nang masagasa ang biktima ng traysikel na mimamaneho ni Justin Tagacay, 22, ng Andagao, Kalibo.

Tumilapon ang biktima at nagtamo ng mga pinsala sa ulo at binti at agad na dinala sa pagamutan.

Samantala, dinala naman ang driver ng traysikel na napag-alamang walang lisensya at nasa implewensya ng alak sa Kalibo PNP station para sa kaukulang disposisyon.