Lalaking namaril ng kapitbahay sa C. Laserna, naaresto sa Malinao

Napasakamay na ng mga otoridad ang suspek sa pamamaril kaninang umaga sa Purok 5, C. Laserna St., Poblacion, Kalibo.

Kinilala ang suspek na si Chuvy Igma, 57 anyos, residente ng nabanggit na lugar.

Sa inisyal na imbestigasyon, lumitaw na nagkaroon ng pagtatalo ang suspek at biktimang si Renante Mongaya, 51 anyos.

Sinasabing umuwi ang suspek at binalikan ang biktima saka binaril sa kaliwang bahagi ng dibdib.

Matapos ang pamamaril, tumakas ang suspek at naaresto sa hot pursuit operation kaninang tanghali sa Barangay Kinalangay Nuevo, Malinao.

Isinugod naman ang biktima sa isang pribadong ospital sa Kalibo at kasalukuyang nagpapagaling.