Lalaking nang-snatch ng cellphone sa Numancia, timbog

Arestado ang isang lalaki matapos mang-snatch ng cellphone sa covered gym ng Poblacion, Numancia kagabi.

Kinilala ang biktimang si Fiona Gwen Albino, 19 anyos, taga Bulwang, Numancia at ang suspek na  si Uziel Solanoy alyas “Black Solanoy”, 31 anyos, na residente ng Dongon East, Numancia.

Nanonood ng basketball ang biktima nang bigla na lang inagaw ng snatcher ang kanyang Iphone 10s max at tumakbo papunta sa Numancia Integrated School saka sumakay ng bike papalayo.

Naaresto naman ang suspek kaninang madaling araw sa manhunt operation ng Numancia PNP at nakuha mula sa kanya ang cellphone ng biktima.

Pansamantalang ikinustodiya sa Numancia PNP Station ang suspek para sa karampatang disposisyon.