Lalaking patawid sa kalsada nabundol ng tricycle, drayber tumakas

Hindi na nagpakita ang tricycle driver na nakabundol ng isang lalaking patawid sa kalsada ng Pastrana Street kagabi, Huwebes.

Batay sa Kalibo PNP, nagsumbong umano sa kanila ang biktimang si Edleahn Lachica, sa legal nga edad, residente ng Purok 2, C. Laserna St. Poblacion, Kalibo na habang patawid siya sa may one-way na kalsada ng Pastrana Street ay bigla na lamang siyang nabundol ng isang tricycle na hinihinalang kolorum.

Dagdag pa nito, nagkausap pa sila ng tricycle driver na nagpaalam munang aalis at babalik din agad.

Pero dumaan na ang ilang minuto at hindi na ito nagpakita. Minabuti nalang ng biktima na iparecord ang nangyari sa Kalibo MPS.

Samantala, nagtamo si Lachica ng mga sugat sa katawan na agad ding ipinagamot sa ospital.