Lalaking tulak droga arestado ng mga kapulisan

Napasakamay ulit ng mga kapulisan ang isang lalaki matapos magtulak ng droga alas 11 kagabi sa Poblacion, Balete, Aklan.

Kinilala ang suspek na si Daryl Manlapus, 42 anyos ng Balete, Aklan.

Isinagawa ang buybust operation ng mga kapulisan kay Manlapus at nakuha ang isang sachet ng hinihinalang shabu kapalit ng tatlong libong piso marked money.

Nakuha rin sa kanyang posisyon ang mahigit isang libong piso, cellphone at transparent na plastic na walang laman.

Napag-alaman na tatlong beses na itong binuybust ng mga kapulisan dahil sa pagtutulak ng droga.

Mahaharap ang suspek sa kasong paglabag sa R.A 9165 o ang Comprehensive dangerous drugs act of 2002.