Lalaking wanted sa kasong homicide, arestado

Arestado alas 9:45 kaninang umaga sa Poblacion, Kalibo ang isang lalaking wanted sa kasong Homicide.

Nakilala ang akusadong si Charlie Pescuela, 45 anyos ng nasabing lugar.

Isinilbi ng Kalibo PNP kay Pescuela ang kanyang warrant of arrest (Criminal Case No.10597) na nilagdaan ni Hon. Jemena Abellar-Arbis, Branch 6, Kalibo, Aklan, 6th Judicial Region, nitong nakaraang May 4, 2022.

Pansamantala siyang ikinustodiya ng Kalibo para sa karampatang disposisyon, at walang inirekomendang piyansa para sa kanyang pansamantalang kalayaan.