LALAKING WANTED SA KASONG SERIOUS PHYSICAL INJURY, ARESTADO

Kalibo — Arestado bandang alas 3:20 kaninang hapon sa Estancia, Kalibo ang isang lalaking wanted sa kasong Serious Physical Injury.

Nakilala ang akusadong si Leo Fernandez, 38 anyos ng Pook, Kalibo.

Inaresto si Fernandez ng mga taga CIDG Aklan at Kalibo PNP sa bisa ng warrant of arrest ni ibinaba ni Presiding Judge Alicia A. Cruz-Barrios ng 6th Judicial Region, Municipal Trial Court, Kalibo nito lamang nakaraang linggo, August 6, 2020.

Pansamantala siyang ikinustodiya sa piitan ng Kalibo PNP station para sa karampatang disposisyon.

P18,000 naman ang itinakdang pyansa ng korte para sa kanyang pansamantalang kalayaan.

Samantala, nang makapanayam ng Radyo Todo, sinabi naman ng akusado na haharapin na lamang niya ang kanyang kaso sa korte.