LASING ARESTADO MATAPOS MAGPAHABOL SA MGA PULIS

Malay – Kalaboso ang isang lasing na driver matapos itong umiwas sa routine inspection sa border control ng Malay PNP sa Brgy. Cabulihan, Malay.

Basi sa imbestigasyon ng Malay PNP na pinarahan nila ang isang sasakyan na Hyundai Starex van na minamaneho ni CORNELIO SIM Y LABINDAO, 56-anyos at residente ng Brgy. Alegria, Buruanga, sa halip na huminto ay pinatakbo nito ang van at sinagasaan ang check point signage ng Malay PNP.

Kaagad hinabol ng mga pulis ang nasabing sasakyan na papunta sa direksyon ng Buruanga kung kayat agad nilang inalarma ang border control checkpoint ng Buruanga PNP sa Barangay Mayapay kung saan doon na ito naaresto.

Ayon pa sa salaysay ng mga pulis, ng arestuhin na nila ang suspek ay sinipa at sinigawan umano sila at hinamon ng suntukan.

Dahil dito, sasampahan ng kasong Malicious Mischief Resulting to Damage of Public Property, Resistance and Disobedience Upon an Agent of Person in Authority/Direct Assault Upon an Agent of Person in Authority and Violation of Sec. 5 OF RA 10586 (Driving under the influence of liquor) ang nasabing suspek.