Lasing na barangay tanod, sinuntok ng mag-ama matapos na mag-amok

‎SINUNTOK ng mag-ama ang lasing na barangay tanod matapos na mag-amok sa bahagi ng C. Laserna St., Poblacion, Kalibo bandang alas-12:30 ng Martes, Hunyo 3.

‎

‎Ang di na pinangalanang barangay tanod ay 34-anyos at residente rin ng naturang lugar.

‎

‎Sa imbestigasyon ng Kalibo PNP, bandang alas-12:05 nang ang lasing na barangay tanod ay pumunta sa bahay ng mag-ama at nagsisigaw.

‎

‎Dahil sa ingay ay lumabas ang 15-anyos na menor-de-edad at dito na nagkaroon ng pagtatalo sa pagitan ng dalawa.

‎

‎Lumabas rin ang ama ng 15-anyos na binatilyo at pinagtulungang suntukin ang lasing na tanod.

‎

‎Nagresponde naman sa lugar ang mga personnel ng Kalibo PNP.

‎

‎Samantala, nagkasundo rin ang parehong mga sangkot na i-refer ang insidente sa Barangay Justice System.  Ulat ni Arvin Rompe