Lasing na foreigner binugbog

Sugatan ang isang foreigner nang matagpuan ng mga residente kaninang madaling araw sa boundary ng Purok 1 at Purok 6 sa C. Laserna St., Kalibo.

Nagtulungan ang mga residente na madala sa ospital ang 18 anyos na biktima.

Batay sa ulat, maraming pasa at may sugat sa noo ang biktima na posibleng dulot ng pambubugbog.

Tiningnan ng mga otoridad ang kuha ng CCTV footage pero madilim sa lugar kaya’t hindi makita kung sino ang salarin.

Patuloy na nagpapagaling sa ospital ang biktima.