LASING NA RIDER NG MOTORSIKLO, BUMANGGA SA GUTTER NG KALSADA, SUGATAN

Sugatan ang isang rider ng motorsiklo matapos aksidenteng bumangga sa gutter ng kalsada alas 10:40 kagabi sa Kalibo Numancia Bridge.

Nakilala ang biktimang si JD Jorge Ho, 31 anyos ng Bulwang, Numancia.

Base sa imbestigasyon ng Kalibo PNP, nagmomotorsiklo pauwi ang biktima nang mawalan ng kontrol sa pagmamaneho at bumangga sa gutter ng kalsada doon.

Dahil dito, nagtamo ng sugat at pinsala sa katawan ang biktima na kaagad ding isinugod sa ospital.

Lumalabas pa sa imbestigasyon na nangangamoy alak ang biktima, rason naman na nawalan umano ito ng kontrol sa manobela at naaksidente.