LASING NA RIDER NG MOTORSIKLO, BUMANGGA SA TRAYSIKEL SUGATAN

Sugatan at naka confine ngayon sa ospital ang isang rider ng motorsiklo matapos bumangga sa isang traysikel pasado alas 6:00 kagabi sa highway ng Estancia, Kalibo.

Nakilala ang biktimang si Rowen Lumio, 40 anyos ng Archangel, Balete. Base sa imbistigasyon ng pulis, nasa impluwensiya umano ng alak ang biktima habang nagmomotorsiklo pauwi.

Subali’t lumalabas pa sa imbestigasyon na nag-overtake at nakipagkarera pa umano ito sa mga sasakyan, hanggang sa bumangga sa isang traysikel na papuntang Kalibo.

Resulta, sumemplang sa kalsada ang motorsiklo rason ng mga tinamo nitong sugat sa katawan.

Napag-alamang matindi rin ang sira ng motorsiklo na iniwan muna sa lugar ng insidente. Samantala, nabatid na nagka areglo naman ang magkabilang panig kagabi mismo sa presento ng pulis.