Lasing na rider tumilapon sa motor matapos makabundol ng aso

Sugat sa iba’t-ibang bahagi ng katawan ang natamo ng isang rider matapos nitong mabundol ang isang aso sa Osmeña Ave., Brgy. Estancia, Kalibo dakong ala-1:00 kaninang madaling-araw.

Napag-alaman na 32-anyos na residente ng Brgy. New Buswang, Kalibo ang rider na nasa impluwensiya ng nakalalasing na alak.

Batay sa imbestigasyon ng Kalibo PNP, binabaybay umano nito ang lugar nang biglang may tumakbong aso papunta sa direksyon ng kaniyang motor dahilan upang mabangga niya ito.

Tumilapon ang rider dahilan upang nagtamo ito ng mga sugat sa katawan na agad ding nirespondehan ng BFP-Kalibo at dinala sa ospital.

Samantala, namatay naman ang aso dahil sa aksidente.