Aklan News
Lasing na tricycle driver, kritikal matapos bumangga sa naka-park na isa pang tricycle
KRITIKAL ang isang tricycle driver matapos bumangga sa nakaparadang tricycle sa Brgy.Bulwang, Numancia dakong alas-4:00 nitong hapon ng Huwebes.
Kinilala ang nasabing tricycle driver na si Rhindel Tuyos, 37-anyos at residente ng Brgy. Camanci Norte sa kaparehong bayan.
Batay sa imbestigasyon ng Numancia PNP, mula ang tricycle driver sa Camanci Norte at papuntang Bulwang nang mangyari ang aksidente.
Sinasabing pagdating sa lugar ay bigla nalang itong sumalpok sa nakaparadang tricycle.
Napag-alaman na nasa impluwensya ng nakalalasing na inumin si Tuyos.
Nagtamo ng tama sa ulo ang biktima na agad nirespondehan ng Numancia PNP at MDRRMO Numancia.
Sa ngayon ay nasa Intensive Care Unit ito ng Aklan Provincial Hospital. l Ulat ni Jisrel Nervar/ Arvin Rompe
Photos: MDRRMO Numancia
