Lasing na trike driver hinabol ng screwdriver ang kapwa driver dahil sa P20

HINABOL ng isang lasing na traysikel drayber ang kapwa driver nito ng screwdriver sa Andagao, Kalibo nitong Huwebes.

Kinilala ang biktima na si Roderick Villanueva habang nakilala naman ang suspek na si alyas “Estong”. Sa panayam ng Radyo Todo kay Villanueva, nagulat na lamang siya ng biglang kumuha ng screwdriver si alyas “Estong” at pinaghahabol siya.

Aniya, posibleng may galit parin sa kaniya si alyas “Estong” matapos hindi niya ito bigyan ng bente pesos noong nakaraang Linggo. Humingi umano kasi sa kanya si Estong ng P20 na pandagdag sa pambili nito ng alak. Sa ngayon ay nasa kustodiya na ito ng Kalibo PNP si alyas “Estong para sa karampatang disposisyon.